لە هەموو شوێنێک، بازارەکان و شەقامەکان و مزگەوت و شوێنەکانی کارکردن دەمامک بووەتە بەشێکی نوێی دەموچاو بۆ خۆ پاراستن لە ڤایرۆس، کۆرۆنا شێوازی ژیانی گۆڕی و کاریگەری زۆری هەبوو لەسەر پەرستن و شوێنەکانی پەرستن بە تایبەتی مزگەوتەکان.
لە مانگی ڕەمەزاندا زۆرێک لە عیبادەتەکان بە ناچاری ڕاگیران، کە بە پێویستیان زانی لەم سەردەمەی کۆرۆنا نوێژکردن بگوازرێتەوە لە مزگەوتەکان بۆ ماڵەوە، زۆربەی وڵاتە ئیسلامیەکان نوێژی هەینی یان ئەنجام نەدا و هەندێکی تریش نوێژی جەژنیان ئەنجام نەدا و کۆبونەوەیان قەدەغە کرد، لە هەندێ وڵاتی وەكو تورکیا و میسر ئیمامی مزگەوتەکان نوێژیان بە تەنیا کرد و لە وڵاتی وەکو فیلیپین و پاکستان نوێژ لە شوێنی کراوە ئەنجام درا لەگەڵ پاراستنی دووری لە نێوان نوێژکەرەکان، لە ئوسترالیا نوێژی جەژن لەسەر ئینتەرنێت پەخش کرا.
زۆربەی ئەوانەی حەزیان لە نوێژی بە کۆمەڵە بە دوای ڕێگەچارەیەک دەگەڕێن بە تایبەتی بە رێگەی ئینتەرنێت بۆ ئەوەی لە نوێژی بە کۆمەڵ دانەبڕێن، بەڵام زۆربەی ڕا گشتیەکانی فیقهی لەسەر ئەوە کۆکن کە نوێژی بە کۆمەڵ لە ڕێگەی ئەنتەرنێتدا دروست نیە بە پێی فەتوای ئەزهەر و هەندێ مەرجەعی تری ئایینی ئیسلام.
ئامادەکردن : محمد سورچی