lozhik
کۆمیتەی رێڤەبەریی پەکەکە رایگەیاند ئەندامێکی کۆمیتەی ناوەندی بەناوی قاسم ئەنگین لە 27ــی مانگی رابردوو "لە چیای برادۆست کراوەتە ئامانجی فڕۆکە جەنگییەکانی تورکیا".
لە راگەیەندراوەکەی پەکەکەدا ئاماژه به‌وه كراوه، قاسم ئەنگین كه ناوی ته‌واوی (ئیسماعیل نازلیکول)ـە، ئەندامی کۆمیتەی ناوەندیی پەکەکە، 27ـی مانگی گوڵان، لە هێرشێکی ئاسمانی توركیا له ده‌ڤه‌ری برادۆست كراوه‌ته ئامانج و كوژراوه.
قاسم ئەنگین لە ساڵی 1989ـوە بووەتە ئەندامی پەکەکە. لە ساڵی 1994 چووەتە ریزی رێبەرایەتیی پەکەکە، دواتر هاتووەتە باشووری کوردستان و بەپێی راگەیەندراوەکەی پەکەکە "لە باشووری کوردستان لە بادینان، برادۆست و قەندیل کاری کردووە و ماوەیەکی درێژ بەرپرسیاری ناوەندی راگەیاندن و چاپەمەنیی هەپەگە بووە".