وەزارەتی دەرەوەی عێراق دووپاتی كردەوە، كارتی زۆریان بەدەستەوەیە بۆ ئەوەی بەرامبەر پێشلێلكارییەكانی توركیا بەكاری بهێنن، گرنگترینیان كارتی ئابوورییە.
ئەحمەد سەحاف، گوتەبێژی وەزارەتی دەرەوەی عێراق به ئاژانسی هەواڵی سپۆتنیكی راگەیاند، "عێراق سەرچاوەی هێزی زۆری بەدەستەوەیە بۆ ئەوەی بەرامبەر توركیا بەكاری بهێنێت، بە تایبەت كە ئێستا دەیان كۆمپانیای ئابووریی وەبەرهێنانی توركیا لە عێراقن. هەروەها عێراق باڵانسی ئاڵوگۆڕی بازرگانی لەگەڵ توركیا هەیە كە ساڵانە بە بڕی 16 ملیار دۆلار دەخەمڵێنرێت".
گوتیشی: "یاسا نێودەوڵەتییەكان دەستەبەری مافی عێراق دەكه‌ن و دەكرێت پەنا بۆ ئەنجوومەنی ئاسایشی نێودەوڵەتی و کومکاری عەرەبی وریکخراوی هاوکاری جیهانی ببەین، بۆ تاوتوێكردنی پێشێلكارییەكانی توركیا لەناوچە سنوورییەكانی خاكی عێراق ئەمەو چەند کارتێکی دیکە
ئەحمەد سەحاف گوتیشی: "ئەمانە هەموویان كارتی فشارن بەدەست حكومەتی عێراق كە دەتوانین بەرامبەر توركیا بەكاری بهێنین، بەڵام تا ئێستا چاومان لەوەیە كە گفتوگۆی سیاسی و كاركردن بەگوێرەی بنەماكانی دراوسێیەتی و هاوسنووری باشترین رێگەچارەن بۆ ئەم مەبەستە".
شەوی 17/18ی مانگی رابردووەوە سوپای توركیا دەستی بە ئۆپەراسیۆنێكی سەربازی بە ناو "چنگی پڵنگ" بە پاساوی بوونی چەكدارانی پەكەكە لەناوچە سنوورییەكان لە ناو خاكی هەرێمی كوردستان كردووە.
ئامادەکرن:یاسـر کەشـانـی