وەزارەتی ئاوەدانکردنەوەو نیشتەجێکردنی ھەرێمی كوردستان لە راگەیەندراوێكدا ئاشكرای دەكات، دروستکردنی چەندین تونێل لە کارنامەی پلانی چوار ساڵی كاركردنیان دایە، ھیواخوازن دوای تێپەڕبوونی ئەم دۆخە بتوانن پڕۆژەی دروستكردنی ئەو تونێلانە جێبەجێ بكەن.
لە راگەیەندراوەكەی وەزارەتی ئاوەدانكردنەوە ھاتووە: "بەپێی پلانی چوار ساڵەی وەزارەتی ئاوەدانکردنەوەو نیشتەجێکردن لە کابینەی نۆیەمی حکومەتی ھەرێمی کوردستان، دروستکردنی چەندین تونێل لە کارنامەی پلانەکەدایە، لەوانە؛ تونێلی کۆیە، تونێلی دەربەندیخان، تونێلی پێنجوین و تونێلی مەتین. ھیوادارین پاش تێپەڕاندنی ئەم دۆخە قورسە ئابورییە و باشبونی بارودۆخی ئابوریی ھەرێمی کوردستان، لەماوەی تەمەنی ئەم کابینەیەدا دەست بکەین بە جێبەجێکردنیان. ئەمە سەرەڕای تەواوکردنی ئەو تونێلانەی کە پێشتر کاریان تێدا کراوە".
ئامادەکردن: یاسر کەشانی